منتديات بئــــــــــــــــــرالعاتر
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك في منتدى بئرالعاتر
شكرا
ادارة المنتدي

http://i67.servimg.com/u/f67/13/67/73/34/tttttt12.gif
الوقت
الاحوال الجوية

widgets
الزوار
المواضيع الأخيرة
» فندق روتانا كورال بيتش 4ايام 3ليالي-اميزنج ترافيل
الجمعة مايو 09, 2014 7:32 am من طرف اسراء اميزنج

» رحلات صيف 2014 مع اميزنج ترافيل
الخميس أبريل 24, 2014 3:23 am من طرف اسراء اميزنج

» أبرز الألقاب الموجودة في دائرة بئر العاتر
الجمعة أبريل 11, 2014 11:27 pm من طرف أحمد الجزايرلي

» مدينتي
الخميس مارس 27, 2014 9:15 am من طرف الفتاة المزعجة اون باغسون

» ما هي البورصة
الخميس مارس 20, 2014 10:55 am من طرف imad

» ما هي البورصة
الخميس مارس 20, 2014 10:18 am من طرف imad

» الفساد الإداري
الأربعاء مارس 19, 2014 12:46 pm من طرف imad

» افتتاح المحطة البرية قريبا
الأربعاء مارس 12, 2014 11:23 am من طرف Bir el Ater Hicham

» Ouverture d'un nouveau autobus pour transport Bir El Ater- Batna
الأربعاء مارس 12, 2014 11:11 am من طرف Bir el Ater Hicham

تصويت

النقل من والى بئرالعاتر هل هو

27% 27% [ 11 ]
32% 32% [ 13 ]
22% 22% [ 9 ]
20% 20% [ 8 ]

مجموع عدد الأصوات : 41

تصفح الجرائد اليومية
الصلاة - الإنتهاء: 12-30-2020

قصيدة بعنوان تفهم في الطب ,, و دنيا عجب ,, دكتورة من غير كتب

استعرض الموضوع السابق استعرض الموضوع التالي اذهب الى الأسفل

قصيدة بعنوان تفهم في الطب ,, و دنيا عجب ,, دكتورة من غير كتب

مُساهمة من طرف Admin في الأحد مارس 15, 2009 7:54 am

تفهم جدايا في الطب **دنيا وعجب *** ودكتورة من غير كتب

قالت جدايا ** نا عمري ماعرفت قراية
ولاحاجة سماها محاية **ولابيرو بالحبر يصب
ولاكراسة ولا براية**ولامعمل فيه تجارب
ولا قعمز طالب بحدايا** سمايا مانعرف نكتب
هدايا من العالي مولايا **دوايا راسي ومجرب
العيل اللي فيه العواية**نزازيه ويمشي يلعب

************************************
قالت مانعرف صورة **ولانعرف طب وتنتورة
لادمل عدن لادورة***لا أماس جراحة تلعب
ولانوقف فوق السبورة**باش نكتب سامي ورجب
العيل اللي رجله مكسورة**نجبرها تجبير عرب
نداويه ويمشي في شورة **ويبري كان الله كتب
***************************************
قالت مانعرف آله (السماعة)***بتلزمني في تشخيص الحالة
نا دوايا كل شيء قبالا ***بحاجات بسيطة مركب
مريضي بنجيبله العالة ***نولع في الكانون حطب
إن كان بطنه تجري سيالة *** بنطبخله براد عشب
ولانقوله برا ولا تعالا ** ولا ارجعلي تالي واتعب
**************************************
قالت نا مريضي يشفى *** وبدون يخش المستشفى
ولا اشعة تنزل في كشفه *** ولا وصفة ليه بنكتب
ولا شروبوا ياخذ بالرشفة ** ولا حبوب علي ثلاث وجب
نخرج ونداوي لين يشفي ***ان كان فيه احساسي يرحب
*******************************************
قالت نا جداك ذكية***ولا شيخ ضربني علي يدية
ولاحاجة سماها كلية ***ولاعطتني الأبلة واجب
نداوي في حاجة رسمية ***بنوصفها عنك تصعب
اللي عنده مرض الصدرية ***جغوم حلبة لازم يشرب
دوا اللي عنده حالة نفسية ***عسل مع كسبر ذايب
********************************************
قالت نا جداك مرتاحة ***ولانطلب قرض ولاراحة
ولامدير في كل صباحة***يسجل في من هو غايب
ولانخدم كيف الطلفاحة ***بيغضب كان قصوا الراتب
نقولهالك بكل صراحة** إنت جيلك هذا يشيب
******************************************
الشاعر ماعجباش الكلام اللي قالاته جداه علي جيله ...فرد عليها :

قلتي اللي بدك ***وخليتك قلتي ماسدك
ياجدايا كفي حدك *** نا جيلي ماهو سايب
جيلي واقف للي ضدك *** من العيب تقولي خايب
وجيلي من المصنع بيمدك **بحليب حكاك معلب
*************************************
الجدة :

نا حليبك مانضوقه ***ولاني لحليبك محقوقة
حليب خامر قاعد في سوقه***عليه زحمة ودفان وقب
ونا سلم عنزي المطلوقة ***بيديا هاذم نحلب
لبني كيف المسك نشوقه***مالي الحلابة رايب
************************************
الشاعر :
قلها لبنك ياجدة ***باسل صامت مايتعدي
بيدير الفدة *** قارص صامت زي الشب
عنك بنرده ***تحشمت لقيته صاعب
*********************
الجدة : إنت ترد بقر وتدير كبر ...ليش

لأنك جيل بلاعقيدة ***وجيل معادي أمه وسيده
والسبسي في إيده***راقي دخانه يعسلب
تي والله لوفيه جريدة *** تو تولي وتتأدب
**********************************
الشاعر :: أيام الضرب بالجريدة والعصا اللي تحكي عليها هاذي راحت ...

اليوم جيل جيل الحرية *** وكيف الراجل كي الولية
اليوم تمشي وين تبي هية ** تقضي في السوق وتحسب
ووخيك قاعد بالذرية **** ساعات غذاها يطيب

***************************
الجدة :

طيح مزالك مزالك ** ماصح خيالك
تي من هو بهالدوة يابالك ** عادات جدودك تقلب
جدك لو يسمع بأفعالك *** ماعاد عليك بينشد
*************************************
الشاعر :
جدي شيباني ***موديله من عام الهاني
يقعاده كرعيه الزوز يلعب
مريض ويعاني ساعة بيرقد من المغرب

*************************
الجدة :

جدك موديله ****ماتلقي في البر مثيله
غير شنهو طاريله *** يروح من السوق يكعب
غير عاد في ليله ** ماعادش فية يطرب
****************************
الشاعر :

عاد ماك طبيبة **** شوفي موضوعه وسريبه
ومن بعد الغيبة *** ياريت الملقي يقرب
وسمحولي ياأهل الطيبة**ساعات الواحد يكذب
وتفهم جدايا في الطب ***دنيا وعجب ودكتورة من غير كتب

**********************************

Admin
المدير العام
المدير العام

عدد المساهمات : 128
نقاط : 269
تاريخ التسجيل : 13/03/2009
العمر : 31
الموقع : www.birelater12.ibda3.org

معاينة صفحة البيانات الشخصي للعضو http://birelater12.ibda3.org

الرجوع الى أعلى الصفحة اذهب الى الأسفل

رد: قصيدة بعنوان تفهم في الطب ,, و دنيا عجب ,, دكتورة من غير كتب

مُساهمة من طرف حنين فارس في الخميس سبتمبر 09, 2010 4:21 am

شكرا علىالموضوع المتميز
avatar
حنين فارس

عدد المساهمات : 60
نقاط : 64
تاريخ التسجيل : 02/09/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى